My Gesondheid -

Suid-Afrika staar uitdagings in die gesig om bekostigbare mediese hulp in 2017 te bied

Alhoewel baie sosio-ekonomiese veranderinge suksesvol in ons land geïmplementeer is, het Suid-Afrika se welvaartgaping ’n baie relevante kwessie gebly (ten spyte van die vordering met verskeie regeringsingrypings). Die welvaartgaping is ’n tasbare weerspieëling van die land se ongelyke gesondheidslewering, en illustreer die laer gehalte van gesondheidsdienste waaraan die meerderheid van ons bevolking blootgestel word. Volgens die Suid-Afrikaanse Mediese Joernaal is ons verwronge inkomstegaping vir hierdie maatskaplike onreg verantwoordelikheid en dit laat baie burgers sonder die middele om mediese hulpdienste te bekostig.

Statistiek wat in 2011 opgeteken is, het getoon dat meer as 23 miljoen Suid-Afrikaanse burgers onder die boonste grens van die broodlyn lewe, ’n daling teenoor ’n vorige opname in 2006. Die afwesigheid van middele om vir mediese hulp te betaal, is nie tot hierdie groep beperk nie, aangesien slegs 8,5 miljoen individue (uit die 52 miljoen burgers wat ons in 2011 gehad het) toegang tot ’n mediese hulpskema gehad het.

Ons MIV-/Vigs-epidemie het daartoe gelei dat ons baanbrekers is met die grootste antiretrovirale behandelingsprogram ter wêreld, maar ons kan hierdie uiters nodige dienste aan slegs 40% van kwalifiserende volwassenes voorsien.

Met onlangse studente-optogte teen die inkomstegaping is hierdie nasionale kwessie op die voorgrond geplaas en dit word ’n welkome deel van openbare redevoering oor armoede en toegang tot gesondheidsdienste in Suid-Afrika.

Om toegang tot basiese mediese dienste te hê, is dus ’n baie hoë maatskaplike prioriteit in Suid-Afrika en sal bes moontlik meer doeltreffend bereik word deur ’n proaktiewe, maatskaplike benadering eerder as deur regeringsprosesse. As die nasie sy houding teenoor hierdie relevante maatskaplike kwessies as geheel verander, kan die behoefte aan sodanige ingryping nie langer ontken word nie.

Die onus is dus op ons plaaslike mediese hulpdienste om geskikte en bekostigbare mediese hulpplanne in Suid-Afrika te skep wat pasgemaak is vir die koper se behoeftes. Individue word aangeraai om kwotasies van mediese fondse te vergelyk om bekostigbare opsies te vind, aangesien daar ’n verskeidenheid plaaslike dienste beskikbaar is.

Hoewel hierdie proses onvermydelik ’n stadige een sal wees, is die skuif wat ons as ʼn land in die regte rigting neem, die noemenswaardigste stap wat ons kan doen om ’n beter Suid-Afrika teweeg te bring.

  •  
  •  
  •  
  •  
wilmarie Deur wilmarie


Top

Registreer / Register

Oops! We could not locate your form.

Maak toe / Close